Vefforritun 1, 2024: Verkefni 1, HTML #1

Markmið

• Setja upp textaritil og aðgang hjá Netlify.
• Búa til möppur og skjöl.
• Nota Netlify til að gera verkefni aðgengilegt á internetinu.

Lýsing

Setja skal upp tvær síður, aðgengilegar af internetinu.

• Forsíða, index.html, með einhverjum texta ásamt tengli yfir á aðra síðu
• Síða um nemanda, about.html, þar sem fram kemur nafn, netfang og mynd (þurfa ekki að vera þínar upplýsingar!) ásamt tengli yfir á forsíðu
  • Mynd skal geymd í möppu sem heitir img/

Síður skulu nota utf-8 stafasett.

Ef þið viljið fara lengra skulið þið passa ykkur á að vanda til verka og helst bera undir kennara eða dæmatímakennara.

Netlify

Setja skal upp verkefni á Netlify með því að hlaða upp skrám með „manual deploy“ (það má tengja við GitHub).

Mat

• 50% – Verkefni aðgengilegt á vef og rétt sett upp þar.
• 50% – Forsíða og síða settar upp skv. forskrift.

Sett fyrir

Verkefni sett fyrir í fyrirlestri mánudaginn 19. ágúst 2024.

Skil

Skila skal í Canvas, seinasta lagi fyrir lok dags fimmtudaginn 29. ágúst 2024.

Skilaboð skulu innihalda:

• zip skrá með index.html og about.html skrám (eða hlekkur á GitHub).
• slóð á verkefni keyrandi á Netlify sem athugasemd.

Einkunn

Leyfilegt er að ræða, og vinna saman að verkefni en skrifið ykkar eigin lausn. Ef tvær eða fleiri lausnir eru mjög líkar þarf að færa rök fyrir því, annars munu allir hlutaðeigandi hugsanlega fá 0 fyrir verkefnið.

Ef stórt mállíkan (LLM, „gervigreind“, t.d. ChatGTP) er notað til að skrifa part af lausn skal taka það fram. Sjá nánar á upplýsingasíða um gervigreind hjá HÍ.

Sett verða fyrir tíu minni verkefni þar sem átta bestu gilda 5% hvert, samtals 40% af lokaeinkunn.

Sett verða fyrir tvö hópverkefni þar sem hvort um sig gildir 10%, samtals 20% af lokaeinkunn.

Útgáfa 0.1